Martes 16 kulla puncha Gobierno Provincial markamanta apukkuna tantanakurkami Saquisilí ayllu llaktakunapi kay ayllu llaktakunamanta Salamala San Francisco, Salamalag El Calvario y Salamalag Sarausha, imashina llankaykunata paktachinamanta riksichirkami. kay tantanakuypi nirkami ayllu llaktakunapi ñankuna ashka wakllirishka rikurin chaykunata rikuchspa allichishpa katinka.

Gobierno Provincial markamanta Collas ayllu llaktaman yanapanmi proyectokunawan urkumanta, yakumanta llankashpa katinkapak. Chaymanta presupuestokunapi churarkami ($ 16 598,05  dolares kullkikunata). Kay yanapaykunata chaskinkami 105 familia ayllukuna, kay ayllu llaktapi mutsurinmi allí murukunata charinkapak, allí yakuta charinkapak, chaymanta kay yanapaykunata cumbidarkami.

Viernes chaska puncha Jatari Unancha Jatun Yachana wasimanta yachakukkuna sumak llankaykunamanta rikuchirkami, murukunata, maki ruraykunamanta, uchilla wiwakunamanta kay Plaza San Agustin panpapi, kay yachana wasita pushak padre Jose Manangon nirkami watan watan kashna shina llankaykunawan shamunchik chikan chikan yachan wasikunapi, shuyanchik shumuk watakunapi yapa mirarishpa katinkapak.

Cotopaxi markapak katik apuk Silvia Bravo Pastocalle kitilli raymikunapi yallirkami, kay ayllu kitilli wiñarirkami (1884 shuk waranka iskun pusak iskun chunka chusku watakunapi). Chaymanta domingo 14 de junio raymi killapi sumak raymikunata paktachirka.