Pachamamapak puncha kakpi yuyarinmi kay Gobierno Provincial markamanta, chaymanta  tantanakuykunata charirkami Salcedo kitipi tukuy yachana wasimanta wawakuna uchilla maki llankaykunata rurashpa rikuchirka. Bladimir Ortiz Ambiente ukupi llankak apuk nirkami kay markapi ñukanchik urkumanta, allpamanta, yurakunamanta llankashpa katina kanchik, yachana wasikunapi, Gobierno Parroquial kitillikunapi, llaktakunapi nirkami.

Martes 19 de mayo aymuray killa Cotopaxi markapak apuk Jorge Guamán Coronel, Silvia Bravo Cajas katik apukkuna yallirkami La Maná kiti raymikunapi. Markapak apuk nirkami kay kunuk markapi ñan llankaykunamanta allichishpa ayllu llakatakunapi katikunchik.Juan Villamar La Maná kitipak apuk, riksichirkami ñukanchik ishkay yanapak wasikunamanta tantanakushpa paktalla kay llankaykunata llankakunchik. Chaymanta tukuykuna tantanakushpa llankashunchik.

Kimsa chunka punchapi ñan llankaykunata tukuchishpa yallichinka. Rene Morales, Obras Publicas ukupi llankak nirkami kimsa llaktakunapi Catazacón - Las Juntas – Moraspungo – El Corazón ñankunata allichishpa llankaykunata tukuchikun.

Viernes 15 de mayo aymuray killa, shuk wata llankashka paktarka. Chaymanta Cotopaxi markapak apuk Jorge Gumán Coronel tukuy ayllukunata yupayacharka, shinallatak riksichirkami mushuk maquinarias jillaykunamanta llanktakunapi ñankunamanta llankankapak katichun.