Kitilli San Buenaventura, sukta chunka sukta watakunata paktachirkami, chaymanta domingo inti puncha sumak raymikunata paktachirka, tushuykunawan, takikunawan chikan chikan llaktakunamanta ayllukuna yanaparka. Shinalltak chaypimi karka Cotopaxi markamanta apuk Jorge Guamán, Lourdes Tibán Ecuador mamallaktapak apuk, kutishun apukuna paktalla yallirka.

Kimsa ayllu llaktakunapi ñan llankaykunamanta allichishpami katin, kay llankayta purichik mashi Wilson Arpi riksichirkami kay karwa killapi llankaykunata tukuchishun, shinallatak kay llankaykunapak kullkita churashkami  (7 millones 280 mil dólares, kanchis junu ishkay waranka pusak chunka kullkikuna)  

Domingo inti shuk chunka iskun ayriwa killa, kuytsa musu wamprakunapak, wawakunapak rumpa pukllaykuna kallarirka, rumpa pukllaykuna allimi kan ñukanchikpak kawsaymanta, ayllukunapura tantanakunkapak, ayllu llaktata wichiyachinkapak shina nishpami riksichirka Cotopaxi Markapak apuk Jorge Guamán.

Cotopaxi markapak apuk rikukrirkami ñankunata El Carmen ayllu llaktapi, chaymanta kay punchakuna ña allichishpa llankaykunawan kallarinka, kay llankaypak churarkami (182 mil dólares, shuk waranka pusak chunka ishkay kullkikuna) kay llankayta paktachinkami  empresa pública Emvialrios, sukta chunka punchakunapi tukuchinka 60 dias).